紫薯迷停不了！早前先向大家介绍紫薯蛋挞，今次有紫薯菠萝牛角包！不过，紫薯始终都几滞，为了去掉腻感，加入了清甜菠萝，令本来油腻的牛角包和紫薯蓉变得清新。食完呢款甜品，又可以继续扫街扫食！
试食报告：
牛角包：牛角包烘烤得香脆。
紫薯蓉：以新鲜紫薯煮熟再打成蓉，味道清香，不会太甜。
菠萝：先煎香，再放在紫薯表面，味道清甜，可解掉紫薯的腻感。
总评：牛角包和紫薯的份量其实都多，就咁食的确几滞，不过加了菠萝后的紫薯牛角包，令原本比较清淡和腻的紫薯蓉变得清新，无咁滞。女孩的话，还是建议与人分享；男孩的话，食掉整个应该没有难度。
以后大家去葵涌广场又多一个地方食嘢啦！事关呢度开咗间窝夫店，Haru & P，卖嘅喺一支支 铁塔窝夫 。你无睇错，係可以好似串烧咁拎住食嘅窝夫。呢度推出嘅 铁塔窝夫 有水果味、朱古力味和焦糖花生酱味，最近仲推出埋甜品界不可缺少的味道，绿茶红豆味。除咗味道唔会过甜，最吸引之处喺佢上面仲铺满忌廉，又滑又香浓，真係冒住肥十磅嘅风险都要食佢。事不宜迟，马上送上试食报告！
话说，记者上网睇到 铁塔窝夫 张相，好似好长咁，的确佢係有返咁上下长度嘅，有成22cm长，不过真实睇又唔係真係好长好震撼。
反而，呢支窝夫最吸引的地方係佢上面个层浓浓的忌廉。店主话，呢个忌廉落足料，用纯忌廉加糖粉，虽然整出来係会无咁企身，好易融，不过就好滑好浓，记者我係毫无犹豫地食晒成支。
记者小分享：虽然呢支窝夫味道几好，不过，建议大家可以同朋友分享，事关都几腻，若然食晒成支，真係行晒成个葵涌广场两次都未必消耗到半支 铁塔窝夫 的卡路里。
Haru & P除了有 铁塔窝夫 ，仲有牛角包。呢度有咸味牛角包之外，仲有朱古力牛角包，各位朱古力迷，难道你会忍得住口唔食佢？
Haru & P
地址：葵涌广场2楼C07
营业时间：星期一至五12:00-21:30；星期六12:00-22:00
电话：6932 0038